எனக்கு தெரிந்த சில தையல்

தையல் கலையினை பற்றி எனக்கு அவ்வளவாக தெரியாது இருந்தாலும் எனக்கு தெரிந்த சில தையல் (எம்ப்ராய்டரி) சொல்லி தருகிறேன்.

எம்ப்ராய்டரி செய்யும் பொழுது கவணிக்க வேண்டியவை:

1. எந்த ஒரு கலை செய்வதாக இருந்தாலும் செய்பவர்கள் மிகவும் பொறுப்புடனும், நிதானத்துடனும் கலை ஆர்வத்தோடு செய்வது மிகவும் முக்கியமாகும்.
2. துணிகளில் எம்ப்ராய்டரி செய்யும் பொழுது நல்ல வெளிச்சமான இடத்தில் இருந்து செய்ய வேண்டும்..
3. தொடர்ந்து ஒர்க் பண்ணாமல் உடலுக்கும், கண்களுக்கும் ஓய்வு கொடுத்து இடைவெளி விட்டு செய்யவும்.
4. நாம் செய்கின்ற ஓர்க் மிகவும் துல்லியமாகவும், எந்த ஒரு தவறும் வராமலும், கவனத்தோடும் செய்யனும்..
5. நாம் ஓர்க் பண்ணுகின்ற துணி, நூல், கண்ணாடி, குந்தன், பாசி, முத்து எல்லாமே மிகவும் தரமானதாக வாங்கி பயன்படுத்தவும்.
6. எந்த ஓரு தையல் வேலை செய்வதாக இருந்தாலும் நிமிர்ந்து உட்கார்ந்து சுறுசுறுப்பாகச் செய்யவும். இரவு நேரங்களில் அதிக நேரம் கண்விழித்து செய்வது உடல் நலத்துக்கு நல்லதல்ல

கையினால் செய்யக்கூடிய எம்ப்ராய்டரியில் சில வகைகள்

சங்கிலித்தையல்
காம்புத் தையல்
லூப்
லேஸி, டேசி
சிறு முடிச்சுத் தையல்
அடைப்பு தையல்
பட்டன் தையல்
ஓட்டு தையல்
இன்னும் 40 வகை தையல் இருக்கு..

எல்லா தையலுக்கும் முதல் ஆரம்பம் சங்கிலி தையல் தான்
இந்த தையலை நாம் அழகான முறையில் கற்றுக்கொண்டால் எல்லா வகையான தையலும் போடலாம்.

சங்கிலித்தையல்
இந்த தையல் பார்பதற்கு சங்கிலி போல் ஒன்றுக்கொன்று பிணைப்புடன் காணப்படும்.

எம்ப்ராய்டரி செய்ய தேவையான பொருட்கள்:
ஊசி
எம்ப்ராய்டரி நூல்கள்
துணி,
பிரேம்
பென்சில்
கத்திரிக்கோல்
டிராயிங் பேப்பர்
கார்பன் பேப்பர்

முதலில் துணியில் பிரேம் போட்டு வைக்கவும். அதன் மீது முதலில் பழகுவதால் ஓர் நேர் கோடு பென்சில் வைத்து போடவும் அதன் மீது தையல் போட்டு பழகவும்.

எம்ப்ராய்டரி நீள ஊசியில் சங்கிலித்தையல் இப்ப போடுவோம்.
(இந்த ஊசி நீளமாகவும் அடியில் சிறு வளைந்து இருக்கும்)

நூலில் முதலில் ஒரு முடிச்சு போடவும்.

இந்த முடிச்சு பகுதியினை துணிக்கு கீழே வைத்து ஊசியினை மேலிருந்து துணிகுள்விட்டு நூலை மேலே இழுக்கவும்.

பிறகு இதை போல் தொடர்ந்து போடவும்

கடைசியில் நூலை மேலே இழுத்து மேல் உள்ள நூலை உள் பகுதியில் இருந்து இழுத்தால் முடிச்சு விழும்